Quién
SOMOS
CUÉVANO
La Taberna Cuévano foi dende’l principiu un puntu d’alcuentru pa xente diversa, un sitiu onde la tradición asturiana sigue viva de manera natural, ensin artificios. D’esi ambiente nacieron les primeres composiciones, los arreglos colectivos y la necesidá de llevar esi espíritu a otros espacios. El grupu medró col mesmu sentíu d’honestidá y cercanía col que empezaron aquelles xuntances, calteniendo siempres el respetu pola música d’antes.
Cuevano ye, güei, el reflexu d’eses nueches compartíes: música que naz del pueblu y vuelve al pueblu. Cada actuación ye una prolongación d’esta taberna, onde la emoción, la complicidá y la tradición sonen como’l primer día.
SOMOS
CuÉVANO
El Grupu Cuévano nació ensin acta fundacional nin voluntá de protagonismu, como nacen les coses que tienen fondura: al calor de la pallabra compartida. Les sos primeres xuntances tuvieron llugar na Taberna Polesa, un chigre que yera muncho más qu’un llugar pa beber. Yera un espaciu d’alcuentru pa persones diverses, venceyaes pol interés pola cultura asturiana y la necesidá de pensar el país dende una mirada propia.
Poco a poco, esi grupu habitual de xente foi reconociéndose como colectivu. El nome “Cuévano” surdió de manera natural, evocando raigañu, fondura y refugiu, como un llugar onde caltener lo valioso. Nun foi una decisión solemne, sinon una pallabra que definía bien l’espíritu d’aquelles xuntances na taberna que dai nome al grupu.
Col tiempu, el Grupu Cuévano empezó a pasar de la pallabra a l’aición. De les charres nacieron propuestes culturales concretes: actividaes públiques, reflexones compartíes y iniciatives orientaes a intervenir nel panorama cultural asturianu. Siempres dende una llinia clara: independencia, espíritu críticu y defensa del asturianu como llingua viva de creación y pensamientu.
Dende’l principiu, Cuevano funcionó de manera horizontal, ensin líderes nin xerarquíes ríxides. Les decisiones tomábense al traviés del diálogu, heredando la forma de facer d’aquelles primeres xuntances.
Xuacu Amieva
Mayestru gaiteru, un de los que abrieron camín. Trabayar con Xuacu ye un luxu, si falamos de gaita n’Asturies falamos de Xuacu
José Alfredo Cordero
Una voz de les de antes, años de música nel so llombu. Jose entamó nos escenarios con la Orquesta Principado nos años 80 y toca el saxo que mete mieu
Dani Álvarez
Multiinstrumentista, el típicu que lo toca to. Mayestru de vientu y una de les cares más reconocibles del grupu Corquieu. Nel folk asturianu Dani ye un de los mayores referentes
Simon San José
Luthier y mayestru percusionista. Ye un de los meyores percusionistas del país. Con Simón nel equipu el ritmu ta asegurau
Carlos Velasco
Na actualidá ye la voz masculina más potente de la escena asturiana. Carlinos, como nos presta llamalu, continúa con la saga de los Velasco. Una voz de les que te despeguen del asientu.
Leti Cienfuegos
Leti ye una todoterreno, igual te haz unos coros como te monta unos pedazo de videoclips que alucines. Además de esti proyectu ye una de les voces de Mota Blues.
Alba Cuadra
Alba lleva la música asturiana en su ADN. Durante años formó parte de la Banda de Gaites de la Villa. Nesti proyectu participa como corista y tamien se encarga de facenos el merchan na so imprenta rural.
Chino el Indio
Si falamos de guitarra n’Asturies el Chino tien un sitiu reservau nel olimpu. Espíritu rockeru pa que la movida no se torne pastelosa. Ye’l líder del grupu Mota Blues, un referente na cultura underground astur.
ALEX «PETU»
Ye’l bajista del grupu y un de los dueños de Kathedrale Studios, que xuntu con Gonza ocúpense de grabar. Cuando entamen a trabayar estos dos siempre salen coses perguapes.
ALICIA VILLANUEVA
Ye la voz femenina del grupu. Dende Bimenes la voz femenina más potente del momentu, meyor que describilo ye que lo sintáis, de otru planeta.
JULIO RODRÍGUEZ
Julin ye el más xoven del grupu, dende neñu na escena folk asturiana. Güei ya ye una realidá, un de los meyores bouzukistas de la actualidá. Y cuidau que col vigulín mete mieu. El relevu xeneracional ta en bones manes.
IVÁN TESTON
Ye’l nexu d’unión de Cuévano. Iván encárgase de que la maquinaria del grupu funcione a la perfeición, coordinando los ensayos, les grabaciones y tola xestión loxística y alministrativa necesaria pa llevar la nuesa música a los escenarios.
ASTURIANAES
CONTACTU
contratacionescuevano@gmail.com
Teléfonu
698 942 622